銀行篇(II) - 離岸戶口 / 英國戶口 / 兌錢 / 匯錢 – 7條常見問題
(Update: 22 Nov 2024)
Q1：係咪離開香港去英國前一定要開離岸戶口？
A：唔一定，你可以去到英國先直接開一個英國戶口。
離岸戶口即係非香港戶口(如你係香港)，所以如果你人係香港開任何一個係外國的戶口都算係離岸戶口。好多人都開離岸戶口，其中一個目的走係走資，將你的血汗錢放係一個你信任的國家，感覺安全d。
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
Q2：無離岸戶口點匯錢到英國？
A：要匯錢到英國，你只需要一個香港戶口和一個英國戶口。
咁應該幾時開英國戶口就視乎人幾時到埗：
Case (i) - 好快會過來(約一至三個月內)
到埗英國後開戶其實唔複雜，好快就開到。一旦你有英國戶口，你就可以 (i) 係香港的戶口將HKD兌GBP，然後直接電匯到英國戶口。或(ii) 用Wise 兌及匯錢過來；
(PS in March 2021: TransferWise已改名做Wise)
Case (ii) - 多過三個月後才到英國
如果可以就最好先係香港開一個英國戶口(離岸)， 人離唔到岸都先將你D錢離岸。
如果係香港開唔到英國離岸戶口，例如大貓要等好耐，咁都開住其他國家先啦！
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
Q3：如何匯錢最抵？手續費最低？
A：方法(一) – 傳統的匯錢 / TT / Wire Transfer方法
- 路徑：即係Sending Bank (你係香港的銀行戶口) 同埋 Receiving Bank (你係英國的銀行戶口)；中間或涉及中轉銀行。
- 貨幣：將同一種貨幣由香港匯到英國，如英鎊匯英鎊
- 涉及一至三項手續費：
(i) 由 Sending Bank 收
以香港大貓為例，上網自己做， HKD50
(ii) 由中轉銀行收(如有)
視乎由Sending Bank 去Receiving Bank的路徑是否複雜/間接，兩間銀行有無聯係等，如果Sending Bank可以直接匯去Receiving Bank，唔需要中轉行介入的話，咁就無中轉行手續費。
(iii) 由Receiving Bank收(如有)
未必會收，我用大貓TT去Nationwide，Nationwide一個pence都無收。
手續費總計：HKD50 (香港大貓 --> 英國Nationwide)
好處：可證明source of fund
壞處：匯率貴
適合：較大金額兌換，尤其是買樓
方法(二) - Wise (按左方link，可免費將約HKD5,000兌英鎊及匯到英國銀行戶口)
- 路徑：你係香港的港幣銀行戶口 --> Wise係香港的港幣銀行戶口(JPMorgan) --> 你係英國的英鎊銀行戶口
- 貨幣：不同貨幣，例如港幣兌換英鎊及匯錢到英國
- 手續費(Wise's fees)：以2024年11月22日為例，如果將HKD20,000換成英鎊並匯到你英國戶口，手續費只需約為HKD61.21。
好處：(i) 匯率好，接近市價；
(ii)簡單操作，一個動作已經包括兌換及匯錢
壞處：未必可證明source of fund
適合：較細金額兌換，例如作日常支出之用
FAQ：Wise穩陣嗎？
A：小編已經用過好多次，次次都收到錢，仲要好快收到(最快係即時)，其實你見好多香港人都有用啦！
短評：如你已有一筆英鎊係香港的銀行，咁就方法(一)TT啦，如未兌錢，可考慮方法(二)用Wise直接兌錢及匯錢，手續費合理匯率靚。不過都係個句，如果大金額，例如買樓，咁就都係番銀行兌好D。
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
Q4：邊度匯率最抵(Rate最靚)？
A：以下的銀行/金融機構的匯率都好靚：-
a) 香港的中資銀行 – 雖然價靚，但我無戶口，亦唔會開；
b) Interactive Brokers (IB) - 雖然價靚，但我無戶口，移民已經好多嘢搞，亦唔打算開。不過如果你有好多身家，又要用來買樓的話，咁IB應該係好選擇，因為可以証明source of fund；
c) Wise - 手續費合理匯率靚，適合小金額作日常開支。
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
Q5：無英國地址(証明)係咪開唔到英國銀行戶口？
A：唔一定
延伸閱讀：銀行篇(I) - 三間不用UK address proof 可開的英國銀行戶口！人係香港或剛到埗都可開！點兌錢和匯錢抵D？
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
Q6：如果無英國銀行戶口，咁去到英國點比錢買嘢？用現金比錢得唔得？
A：(i) 去找換店唱定d英鎊現金，雖然係英國通常係用debit card 俾錢，但店舖都會收現金；
(ii) 用住香港信用卡先
好處：快和方便
壞處：係香港信用卡有1.95%的手續費(包括匯價)
PS(1)：如你張卡不是contactless，咁就add你張香港的信用卡去apple / google pay
PS(2)：記著同你的發卡銀行mark番你幾時去英國，減低(記著只是減低)block卡機會；我當時只係話我去兩星期，點解我咁講，明的人就明，然後就用這兩星時間去開戶
(iii) 開英國戶口
好處：一般而言，用一個更好的rate找數
壞處：要用少少時間開戶，不過老實講，你過在英國係咪都要開架啦！
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
Q7：最多可以帶幾多現金去英國？帶好多現金係身，好似唔係好安全，咁點算？
A：帶超過 £10,000需要申報，詳情https://www.gov.uk/bringing-cash-into-uk
如果唔想帶咁多現金，咁可以
(i) 少量英鎊現金 + 香港信用卡，然後盡快開英國戶口；
(ii) 可考慮開Revolut
延伸閱讀：起行到英國 – 開英國網上銀行戶口及申請Virtual Debit Card - Revolut https://apolloinuk.blogspot.com/2020/10/virtual-debit-card-revolut.html
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
簡單總結：只要你有一個香港銀行戶口(記得開通網上銀行) + 一張香港信用卡(可考慮打電話去Card Centre mark番你來英國) ，咁就可以黎英國啦！
離岸戶口係Nice to have, 不是 Must have, 不要因為個離岸戶口而拖住自己走唔到。
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
延伸閱讀：銀行篇(III) - Debit Card和Credit Card有咩唔同？
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
實用checklist分享 -
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬
利申：
#我不是專家
#我不是財務顧問
#只係講番我個人睇法做法俾大家參考
#以上不涉及任何投資或財務建議
#請大家自行考慮有關一切風險
#以上資料已盡力求真
#如有錯誤敬請指正
#如你有更好的方法請教埋我
~~~~~~~~~~~~~~~~~~~~~~~~~~~~~~
免責聲明：
本人並不是財務專家，亦沒持有任何財務專業資格，以上純粹分享本人睇法和做法，以供大家參考。閣下作出任何財務安排前，應向官方及有關專業人士尋求意見，亦應自行衡量及承擔有關風險。閣下的任何財務安排以引致任何損失或問題(如稅務)，本版主及網站並不負責。如閣下有任何睇法、問題、建議，歡迎於以下留言提出。
how can u open an account on Nationwide, r u using BNO 5+1 visa? or u already hv British citizenship?
ReplyDeleteThanks for your question.
DeleteI used BNO passport.
For more details, you may refer to
銀行篇(I) - 三間不用UK address proof 可開的英國銀行戶口！人係香港或剛到埗都可開！點兌錢和匯錢抵D？
https://apolloinuk.blogspot.com/2020/11/i-uk-address-proof-d.html
Hi, 想兩個問題想問，感激！！
ReplyDelete當我拎到bno visa移民英國，有一筆clean capital要匯去英國
1. 係咪就咁香港bank電匯去英國銀行戶口就可以？
2. 承上，係咪需要做報稅？又想問下點樣報？
1. 係呀, 我都係咁直接電匯，或者用wise.
Delete2. 我係網上(包括HMRC個網頁)搵來搵去都無話香港匯入的錢要報稅喎！我都想請教一下會計專家，如果你搵到答案，可唔可以話俾我知？先謝過。